श्री समर्थ शैक्षणिक व सामाजिक संस्था ही शिक्षण, संस्कार, समाजसेवा आणि राष्ट्रनिर्मिती या चार मूलभूत स्तंभांवर उभी असलेली एक प्रगतिशील सामाजिक व शैक्षणिक संस्था आहे. “शिक्षणातून परिवर्तन, सेवेतून समाजोन्नती” या ब्रीदवाक्याने प्रेरित होऊन संस्था समाजातील प्रत्येक बालक, युवक, महिला आणि गरजू घटकांच्या सर्वांगीण विकासासाठी सातत्याने कार्यरत आहे. शिक्षण हे समाज परिवर्तनाचे सर्वात प्रभावी साधन आहे, या विश्वासातून संस्थेची स्थापना करण्यात आली असून गुणवत्तापूर्ण शिक्षण, नैतिक मूल्ये, सामाजिक जाणीव आणि सेवाभाव यांचा समन्वय साधून सक्षम व सुसंस्कृत समाज घडविण्याचा आमचा ध्यास आहे.

संस्थेची अधिकृत स्थापना सन २०२५ मध्ये झाली असली तरी संस्थेचे संस्थापक डॉ. श्री. किशोर आण्णासाहेब थोरात आणि त्यांच्या सहकाऱ्यांनी गेल्या १५ वर्षांहून अधिक काळ विविध सामाजिक, शैक्षणिक, पर्यावरणीय आणि जनकल्याणकारी उपक्रमांद्वारे समाजासाठी निःस्वार्थपणे कार्य केले आहे. या प्रदीर्घ सामाजिक अनुभवातून समाजातील दुर्बल घटकांच्या गरजा समजून घेत संस्था शिक्षण, आरोग्य, पर्यावरण संरक्षण, महिला सक्षमीकरण आणि सामाजिक न्याय या क्षेत्रांमध्ये विविध उपक्रम राबवत आहे.

संस्थेचा प्रमुख उद्देश म्हणजे प्रत्येक बालकाला दर्जेदार, संस्कारयुक्त आणि आधुनिक शिक्षण उपलब्ध करून देणे. आर्थिक परिस्थिती, सामाजिक स्तर किंवा कौटुंबिक परिस्थिती ही शिक्षणामध्ये अडथळा ठरू नये, या विचाराने संस्था विशेषतः आर्थिकदृष्ट्या दुर्बल, स्थलांतरित, श्रमिक आणि वंचित कुटुंबांतील विद्यार्थ्यांसाठी परवडणाऱ्या शुल्कात इंग्रजी माध्यमाचे गुणवत्तापूर्ण शिक्षण उपलब्ध करून देत आहे. विद्यार्थ्यांच्या बौद्धिक विकासाबरोबरच त्यांच्या व्यक्तिमत्त्व विकास, नेतृत्वगुण, सर्जनशीलता, आत्मविश्वास आणि नैतिक मूल्यांच्या जडणघडणीवरही विशेष भर दिला जातो.

संस्थेच्या कार्याला विविध सामाजिक संस्था, शैक्षणिक क्षेत्रातील मान्यवर, प्रशासन, पोलीस विभाग आणि समाजातील विविध घटकांकडून वेळोवेळी गौरव आणि सन्मान प्राप्त झाला आहे. हा सन्मान आमच्या कार्याचा शेवट नसून समाजासाठी अधिक व्यापक आणि प्रभावी सेवा करण्याची प्रेरणा आहे.